Ratatuy

Sog‘lom ozuqa
Ratatuy
Tarkibi
  • Pomidor 600 g
  • Kabachoklar 300 g
  • Baqlajon 300 g
  • Bolgar qalampiri 300 g
  • O‘simlik yog‘i 7 osh qoshiq
  • Sarimsoq 2 bo‘lak
  • Piyoz 1 dona
  • Fransuz ko‘katlari aralashmasi 3 g
  • «Галерея вкусов» yanchilgan qora murch ta’bga ko‘ra
  • Tuz ta’bga ko‘ra

1️⃣ Sousdan boshlaymiz. 300 g pomidorni olib, qaynoq suvga soling, terisini shilib olib, mayda kubik shaklida to‘g‘rang. Tozalangan bolgar qalampirini ham mayda kubik shaklida, piyozni esa mayda to‘g‘rab oling.

2️⃣ Qizdirilgan tovada piyozni aralashtirib turgan holda 4-5 daqiqa qovuring. Pomidor va bolgar qalampirini solib, ta’bga ko‘ra tuz va murch qo‘shing. Sousni 10-15 daqiqaga — qalampir yumshoq bo‘lguniga qadar dimlang. Tayyor sousni xohishga ko‘ra bir xil massa holatiga kelgunicha blenderdan o‘tkazib olish mumkin.

3️⃣ Taomning asosiy qismiga o‘tamiz! Kabachok va pomidorlarning qolgan qismini taxminan 2-4 mm qalinlikdagi halqalar shaklida kesing. Agar kabachoklarning po‘sti qattiq bo‘lsa, uni tozalab tashlagan ma’qul.

4️⃣ Baqlajonlarni halqa shaklida bo‘laklarga bo‘lib, 10 daqiqaga namakobga soling, so‘ng yuving.

5️⃣ Idishga o‘simlik yog‘i, sarimsoq, ko‘katlar, qora murch va tuz solib aralashtiring.

6️⃣ Sousning hammasini tovaga quying. Ustidan navbatma-navbat pomidor, kabachok va baqlajon halqalarini joylashtiring. Sabzavotlar yarmigacha sousga botishi kerak. Ustidan yog‘ va sarimsoqli aralashmani quying.

7️⃣ Tovani folga bilan yoping va taxminan bir soatga 200°C gacha qizdirilgan pechga qo‘ying. Keyin folga olib tashlang va sabzavotlarni yana 20-30 daqiqa pishiring.

Ratatuy tayyor! Yoqimli ishtaha!

Savol berishni xohlaysizmi?

Bizga qo'ng'iroq qiling +998(71)205-95-95

    To'ldirish uchun majburiy joy*
    Yuqoriga
    Яндекс.Метрика